அறுசுவை - ஒரிஜினல் திண்டுக்கல் தலைப்பாகட்டி பிரியாணி கடை

எல்லோரும் திண்டுக்கல் பத்தி இவ்வளவு பதிவு எழுதறீங்க ஆனா இந்த தலைப்பாகட்டி பிரியாணி பத்தி மட்டும் எழுத மாட்டேன்றீங்களே அப்படின்னு என்னை கோவிசிகிறாங்க....அதனால இந்த வாரம் ஒரிஜினல் திண்டுக்கல் தலைப்பாகட்டி பிரியாணி கடை !!

இதுதான் ரெண்டாவதா ஆரம்பிச்ச பெரிய கடை !

ஓல்ட் கடை...இன்னுமும் இருக்கு.

திண்டுக்கல் தலைப்பாகட்டி பிரியாணி இவ்வளவு பேமசா இருகிரப்ப கடை அப்படியே ஜிலு ஜிலுன்னு கண்ணுக்கு குளிர்ச்சியா இருக்கும் அப்படின்னு நினைச்சி போனீங்கன்னா நீங்க ஏமாந்து போவீங்க..கடை ரொம்பவே சின்னது !! :-) பார்கிங் வசதி எல்லாம் கிடையாது. இது கடை வீதியில இருகிறதால இந்த ஏரியா சும்மா கும்பலோட இருக்கும். நீங்க மேல பார்க்கிற இந்த கடை ரெண்டாவதா ஆரம்பிச்சது, கூட்டம் ஜாஸ்தி ஆனதுனால !! இதுக்கு முந்தி கீழே நீங்க பார்க்கிற படத்தில இருக்கிற ரொம்பவே சின்ன கடைதான் ஒரிஜினல் கடை,  அங்க ஆட்கள் வராங்க. இந்த கடை எதிர் எதிரிலேயே இருக்கு.

திரு.நாகசாமி நாயுடு, ஸ்தாபனர்

மேலே இருக்கிற படத்தில முண்டாசு கட்டி இருகிரவருதான் நாகசாமி நாயுடு. இவர் 1957 இல் ஆரம்பிச்ச ஆனந்தா விலாஸ் பிரியாணி ஹோட்டல்தான் இவர் தலப்பா கட்டி இருந்ததுனால  தலைப்பாகட்டி 

கடை அப்படின்னு சொல்லி சொல்லி  தலைப்பாகட்டி பிரியாணி கடை ஆகிடுச்சு. அந்த கடையை பத்தி இன்னும் விவரம் வேணும்னா இங்க சொடுக்கவும்...ஒரிஜினல் திண்டுக்கல் தலைப்பாகட்டி பிரியாணி கடை.

இங்க இதுதான் கிடைக்கும்

நாங்க அங்க போய் இருந்தப்ப மட்டன் பிரியாணியும், நாட்டு கோழி ரோஸ்டு, கோலா உருண்டை, மட்டன் சுக்காவும் ஆர்டர் பண்ணி இருந்தோம். இலை போட்டவுடன் சூடா பிரியாணியை ஒரு கப் எடுத்து வந்து இலையில் கவிழ்பாங்க, அப்புறம் சூடா தால்சா ஊத்தி கொஞ்சம் தயிர் வெங்காயமும் வைப்பாங்க. அதை ஒரு வாய் எடுத்து வைச்சா....ஆகா என்ன ருசி தெரியுமா ??

பஞ்ச் லைன் :

சுவை               -      அமர்க்களம், மட்டன் பிரியாணி நாட்டு கோழி ரோஸ்ட் நல்ல காம்பினேசன் !
அமைப்பு         -       ரொம்ப சின்ன ஹோட்டல், பார்கிங் வசதி கிடையாது என்பது ஒரு மிக பெரிய குறை.

பணம்              -      கொடுக்கும் விலைக்கு சரியான விலை !
சர்வீஸ்           -       சூப்பர்...ஆனால் ரொம்ப சுத்தத்தை எதிர்பார்த்து போகாதீர்கள்.