Wednesday, January 13, 2016

கின்னஸ் நண்பர் "ராஜ் மோகன்" !!

என்னுடைய பதிவை படிப்பவர்கள் பலர், அவர்களில் சிலர் என்னுடன் பேசுவதுண்டு, சிலர்  அப்படி உரிமையோடு பேசி இன்றளவும் நல்ல நண்பராக இருக்கின்றனர்... அப்படி இரண்டு வருடத்திற்கு முன்பு என்னை தொடர்ப்பு கொண்டு பேசினார் திரு. ராஜ் மோகன், இவர் ஒரு சமையல் கலை நிபுணர் என்பது பிறகு தெரிந்தது. தமிழ்நாடு முழுவதும் சென்று நான் ருசித்து எழுதும் உணவுகளை பற்றி சிலாகித்து பேசுவார். இன்று அவர் ஒரு கின்னஸ் சாதனை நாயகன் என்று எண்ணும்போது, மனம் உண்மையாகவே பெருமிதமும், சந்தோசமும் கொள்கிறது !!  




இவர் எப்போதும் இந்த உணவு வகைகளை பற்றி ஆராய்ச்சி செய்துக்கொண்டே இருப்பார் என்று சொல்லலாம். இவரது யூ டியூப் சேனலில் சுவையான பதார்த்தங்களை எளிமையாக அறிமுகபடுத்துவது, சன் டிவியில் சமையல் நிகழ்ச்சி, ஒரு கல்லூரியில் பணியாற்றுவது, இந்தியாவில் உணவு திருவிழா நடக்கும்போது செல்வது என்று எப்படி இவருக்கு நேரம் கிடைக்கிறது என்று யோசிக்க வைக்கும் அளவுக்கு இருக்கும் சுறுசுறுப்பு இவருக்கு !


ஒரு நாள் அவரை நான் அழைத்து பேசியபோது ஒரு சாதனை முயற்சி செய்வதற்கு தயாராவதாக குறிப்பிட்டார், சில நாட்களுக்கு பிறகு அவர் ஒரு தொடர் சமையல் சாதனை செய்ய முனைகிறார் என்று தெரிந்தபோது நான் சுமார் 10 மணி நேரம் வரை இருக்கும் போலும் என்று நினைத்தேன், ஆனால் அது 24 மணி நேரத்திற்கும் மேலும் என்றபோது மிரண்டுதான் போனேன். 19-டிசம்பர்-2015 அன்று அவரது முகபபுத்தக தளத்தில் வரும் செய்திகளை உடனுக்குடன் பார்த்துக்கொண்டு நகத்தை கடித்துக்கொண்டு அமர்ந்திருந்தேன், இதற்க்கு முன்பு செப் திரு. தாமு அவர்கள் 24 மணி நேரம் சமைத்து சாதனை செய்து இருந்தார் என்று தெரிந்தது, அதை அவர் கடந்த பின்பு எனக்கு ரிலாக்ஸ் ஆனது, ஆனால் மனிதர் அதனையும் மீறி 46 மணி நேரம், சுமார் 1204 உணவு வகைகளை சமைத்து மலைக்க வைத்து இருக்கிறார். சுமார் ஒரு மணி நேரம் நின்றாலே நமக்கெல்லாம் கால்கள் வலிக்கும், இவர் நின்று, சமைத்து, ருசிக்க கொடுத்து இந்த சாதனை செய்து இருக்கிறார் என்பதை நினைக்கும்போது என்ன ஒரு இமாலய முயற்சி என்று தோன்றுகிறது.




இந்த சாதனை உங்களது வாழ்வில் ஒரு சிறிய மைல் கல்தான் நண்பரே, இதனை விடவும் இன்னும் பெரிய சாதனையை புரிய உங்களை வாழ்த்துகிறேன். இனி வரும் காலங்களில் நீங்கள் "அறுசுவை சக்ரவர்த்தியாக"வலம் வருவீர்கள் என்பதை நான் உறுதியாக நம்புகிறேன் !

12 comments:

  1. வியக்க வைக்கும் சாதனை... மேலும் சிறக்க வாழ்த்துகள்...

    ReplyDelete
    Replies
    1. my reply is little late, please accept my concerned reply. Most thanks for your wishes and prayers

      Delete
  2. அசத்தலான சாதனைதான்! வாழ்த்துக்கள்!

    ReplyDelete
  3. வணக்கம்
    சாதனை வியக்கவைக்கிறது தொடர எனது வாழ்த்துக்கள்
    -நன்றி-
    -அன்புடன்-
    -ரூபன்-

    ReplyDelete
    Replies
    1. Pleasure to receive your congrats, I remain sir

      Delete
  4. அட!பிரமாதம்.வாழ்த்துகள் சாதனையாளருக்கு.

    ReplyDelete
    Replies
    1. Pleasure to have your wishes and congrats

      Delete
  5. தமிழர் திருநாள் வாழ்த்துக்களை
    மகிழ்வோடு நவில்கின்றேன்
    கனிவோடு ஏற்றருள்வீர்

    ReplyDelete
    Replies
    1. Sir, very great to receive your overwhelmed congrats for my hard effort. I remain and pleasure

      Delete
  6. well done Sir.Raj Mohan,your food tape is just amazing.!!

    ReplyDelete
  7. well done Sir.Raj Mohan,your food tape is just amazing.!!

    ReplyDelete